كتبت/نور أحمد
وفاء عامر تكشف كواليس خلافها مع ريم البارودي: “زعلت منها بس مسامحاها من قلبي”كشفت الفنانة وفاء عامر، خلال مداخلة هاتفية في برنامج تفاصيل، عن كواليس الخلاف اللي حصل بينها وبين الفنانة ريم البارودي، واللي استمر حوالي سنة وشهرين. البداية كانت بعد تصريح لريم قالت فيه إن وفاء ما وقفتش جنبها وقت أزمتها مع الإعلامية ريهام سعيد، وهو الكلام اللي وفاء شافته جارح ومش حقيقي.وفاء قالت إن ريم كانت دايمًا قريبة منها وبتدخل بيتها كأنها واحدة من العيلة، وإن بينهم عشرة كبيرة، وإنه رغم الزعل، هي “مسامحاها من قلبها” ومش بتشيل لحد.وأضافت كمان إنهم كانوا مع بعض في العمرة، وإنها فضلت ماسكة إيد ريم طول الوقت، في إشارة منها لقد إيه كانت بتحبها وبتعتبرها زي أختها الصغيرة، وعلّقت: “أنا مش بزعل من حد، بس لما بزعل بزعل بجد.. بس قلبي أبيض”.وأكدت وفاء إنها دايمًا بتمد إيديها للصلح، حتى لو الطرف التاني غلط، لأنها مش بتعرف تعيش على خلافات، وإن الفن لازم يفضل فيه محبة بين الناس، مش حزازيات.